بقلم / Qais Khodhir







الى من يهمه الامر . . . . . . . المحترم.

حياكم الله تحية طيبة وبعد. .




الحملة المرورية من اول وهلة بدأت تنحني منحنى آخر.




ابتزاز ونهب باسم التصحيح المروري والجمارك والاوراق والعاكس والمبايعةاقرب زغط. كسابقاتها من الحملات والتي اصبحت وسيلة وغاااية لابتزاز المواطنين.




لكن الحمدلله عاد في هناك رجال يقولوا للباطل لا توقف وفي رجااال دولة يتجاوبوا باللحظة ((بندر انعم )) نموذج فرض احترامه اليوم وكان موقفه مشرف .







المشكلة كيف يعمل المسكين الذي ما به معه احد .







والله والله والله ان باص اليوم رعية ومساكين وما يعرفوا شوارع اب تخيلوا يدوروا مطعم الدار بالمدينة القديمة لاجل يشوفوا ابن عمهم نقطة اللقاء به حاولت اشرح لهم ما فهموا طلعت معاهم الباص قلت اعرفهم الطريق ويوصلوني للجامعة وعندما وصلت محطة السلام الساعة التاسعة صباحا اوقفونا رجاال الامن الاشاوش لا خلق ولا خلق وقلة حياء بشكل ما يتصور وعلى طول فتحوا الباص وطلعوا وصياااح يالله جنب يا باص جنب وصياح تقولوا ان احنا بأيام الاحتلال البريطاني.










قلت لهم اتقوا الله خافوا الله احنا مع التصحيح لا تفجعوش الناس هؤلاء اغراب ومش من اب وما بش معاهم احد هنا لا تهينوهم وحلفتهم بالله قالوا نشوف اوراقه ويروح قلت لهم تمااام اشرت لهم اين با يكون اتجاههم الى مطاعم الدار ومشيت.

قلبي ما تطمن وجلسيت زعلااان ايش بايصير لهم حينها شفت الدكتور محمد الاشول اكملت طريقي معه بسيارته وكلمته بالقصة وقلنا نرجع نتفاقدهم شفناهم وقدهم واقفين على جمب ومغلقين الباب وليبتزوا لهم المسكين كلمناهم حاولوا يتعذروا بالعاكس بالاوراق طبعا الباص مرقم اجره صنعاء (1) .







تواصل الدكتور هاتفيا بالفندم بندر وكلمه ووجه بترك الباص واكملنا معه الطريق حتى غااااادر المحافظة بأمان.







آه يا قهر قلبي لم يدرك امثااال هؤلاء ان التضحية بدماء الشهداء كانت لاجل كرامة المواطن .







وصلوها لاعلى مستوى تعمدت نشرها لان الذي ما شفناهم كثيررررر .







الثقافة القرآنية يجب ان تكون سلووك حضاري لدى رجاال الامن ويجب ان يستشعر كل مسؤول وكل موظف عسكري او مدني ان منصبه ما هو الا لخدمة المواطن وهذا شرف كبير ان جعلكم الله خداما لعباده.

(( ذَلِكَ فَضْلُ اللهِ يُؤْتِيهِ مَنْ يَشَاءُ وَاللهُ وَاسِعٌ عَلِيمٌ )) .

من صفحة الكاتب ..